ਗਰਮੀਆਂ 'ਚ ਚਮਕਦਾਰ ਤੇ ਗੋਰਾ ਚਿਹਰਾ ਰੱਖਣ ਲਈ ਘਰੇਲੂ ਨੁਸਖਾ

By: abp sanjha | | Last Updated: Wednesday, 3 May 2017 3:00 PM
ਗਰਮੀਆਂ 'ਚ ਚਮਕਦਾਰ ਤੇ ਗੋਰਾ ਚਿਹਰਾ ਰੱਖਣ ਲਈ ਘਰੇਲੂ ਨੁਸਖਾ

ਚੰਡੀਗੜ੍ਹ: ਚਿਹਰੇ ਦੀ ਚਮਕ ਹਰ ਕੋਈ ਬਰਕਰਾਰ ਰੱਖਣਾ ਚਾਹੁੰਦਾ ਹੈ ਪਰ ਗਰਮੀਆਂ ਦੇ ਮੌਸਮ ਵਿਚ ਘੱਟੇ-ਮਿੱਟੀ ਅਤੇ ਧੁੱਪ ਕਾਰਨ ਚਮੜੀ ‘ਤੇ ਕਾਫ਼ੀ ਡਲਨੈੱਸ ਦਿਖਾਈ ਦਿੰਦੀ ਹੈ, ਜਿਸ ਦਾ ਸਭ ਤੋਂ ਵੱਧ ਅਸਰ ਚਿਹਰੇ ‘ਤੇ ਦੇਖਣ ਨੂੰ ਮਿਲਦਾ ਹੈ। ਧੁੱਪ ਕਾਰਨ ਗਰਦਨ, ਚਿਹਰੇ, ਬਾਂਹ, ਹੱਥ ਅਤੇ ਪੈਰਾਂ ‘ਤੇ ਟੈਨਿੰਗ ਆਮ ਨਜ਼ਰ ਆਉਂਦੀ ਹੈ, ਉੱਥੇ ਹੀ ਪਸੀਨੇ ਕਾਰਨ ਚਮੜੀ ‘ਤੇ ਕਿੱਲ-ਮੁਹਾਸੇ ਹੋ ਜਾਂਦੇ ਹਨ। ਅਜਿਹੇ ਵਿਚ ਚਿਹਰੇ ਦਾ ਗਲੋਅ ਕਿਤੇ ਗੁਆਚ ਜਾਂਦਾ ਹੈ। ਇਸ ਗਲੋਅ ਨੂੰ ਪਾਉਣ ਲਈ ਲੜਕੀਆਂ ਬਹੁਤ ਤਰ੍ਹਾਂ ਦੇ ਬਿਊਟੀ ਪ੍ਰੋਡਕਟਸ ਅਤੇ ਸੀਰਮ ਦੀ ਵਰਤੋਂ ਕਰਦੀਆਂ ਹਨ ਪਰ ਇਹ ਬਿਊਟੀ ਪ੍ਰੋਡਕਟ ਕਾਫ਼ੀ ਮਹਿੰਗੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਖ਼ਰੀਦ ਸਕਣਾ ਹਰ ਕਿਸੇ ਦੇ ਵੱਸ ਦੀ ਗੱਲ ਨਹੀਂ। ਜੇ ਤੁਸੀਂ ਵੀ ਚਿਹਰੇ ਦੀ ਚਮਕ ਨੂੰ ਬਰਕਰਾਰ ਰੱਖਣਾ ਚਾਹੁੰਦੇ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਅਜਿਹੇ ਹੋਮਮੇਡ ਸੀਰਮ ਬਾਰੇ ਦੱਸਦੇ ਹਾਂ, ਜੋ ਤੁਹਾਡੀ ਸਕਿਨ ਨੂੰ ਐਕਸਫੋਲੀਏਟ ਕਰ ਕੇ ਡਾਰਕ ਸਪੌਟ, ਸਨ ਟੈਨ ਨੂੰ ਹਟਾ ਕੇ ਨਮੀ ਪ੍ਰਦਾਨ ਕਰਦਾ ਹੈ, ਜਿਸ ਨਾਲ ਚਮੜੀ ਵਿਚ ਮੁੜ ਤਾਜ਼ਗੀ ਆਉਂਦੀ ਹੈ ਅਤੇ ਉਹ ਚਮਕਦਾਰ ਹੁੰਦੀ ਹੈ।

 

ਸਮਗਰੀ-

1. 1 ਚਮਚ ਖੀਰੇ ਦਾ ਰਸ
2. 1/2 ਚਮਚ ਐਲੋਵੇਰਾ ਜ਼ੈਲ
3. 1 ਚਮਚ ਬਦਾਮ ਦਾ ਤੇਲ
4. 1 ਚਮਚ ਗੁਲਾਬ ਜਲ

ਜਿੱਥੇ ਖੀਰਾ ਸਕਿਨ ਨੂੰ ਤਾਜ਼ਗੀ ਅਤੇ ਠੰਢਕ ਪ੍ਰਦਾਨ ਕਰਦਾ ਹੈ, ਉੱਥੇ ਹੀ ਐਲੋਵੇਰਾ ਸਾਡੀ ਸਕਿਨ ਨੂੰ ਸੂਰਜ ਦੀਆਂ ਹਾਨੀਕਾਰਕ ਕਿਰਨਾਂ ਅਤੇ ਪ੍ਰਦੂਸ਼ਣ ਤੋਂ ਬਚਾਉਂਦਾ ਹੈ। ਇਹ ਚਮੜੀ ਨੂੰ ਨਮੀ ਪ੍ਰਦਾਨ ਕਰ ਕੇ ਗਲੋਇੰਗ ਬਣਾਉਂਦਾ ਹੈ। ਗੁਲਾਬ ਜਲ ਨੈਚੂਰਲ ਕਲੀਂਜ਼ਰ ਦਾ ਕੰਮ ਕਰਦਾ ਹੈ ਅਤੇ ਚਿਹਰੇ ‘ਤੇ ਫ਼ਾਲਤੂ ਤੇਲ ਨੂੰ ਬਾਹਰ ਕੱਢਦਾ ਹੈ। ਬਦਾਮ ਤੇਲ ਚਿਹਰੇ ‘ਤੇ ਪਏ ਕਾਲੇ ਧੱਬਿਆਂ ਨੂੰ ਦੂਰ ਕਰਦਾ ਹੈ।

 

ਬਣਾਉਣ ਦੀ ਵਿਧੀ-

ਸਭ ਤੋਂ ਪਹਿਲਾਂ ਖੀਰੇ ਨੂੰ ਕੱਦੂਕਸ਼ ਕਰ ਕੇ ਇਸ ਦਾ ਜੂਸ ਕੱਢ ਲਓ। ਫਿਰ ਇਸ ਵਿਚ ਗੁਲਾਬ ਜਲ, ਐਲੋਵੇਰਾ ਜ਼ੈਲ ਅਤੇ ਬਦਾਮ ਤੇਲ ਬਰਾਬਰ ਮਾਤਰਾ ਵਿਚ ਚੰਗੀ ਤਰ੍ਹਾਂ ਮਿਕਸ ਕਰੋ। ਤੁਹਾਡਾ ਗਲੋਇੰਗ ਸੀਰਮ ਤਿਆਰ ਹੈ। ਇਸ ਨੂੰ ਚਿਹਰੇ, ਗਰਦਨ ਅਤੇ ਹੱਥਾਂ ‘ਤੇ ਲੱਗਾ ਸਕਦੇ ਹੋ। ਗਰਮੀਆਂ ਵਿਚ ਰੋਜ਼ਾਨਾ ਚਮੜੀ ‘ਤੇ ਇਸ ਦੀ ਵਰਤੋਂ ਕਰਨ ਨਾਲ ਚਮੜੀ ਵਿਚ ਨਿਖਾਰ ਆਉਂਦਾ ਹੈ। ਉਂਜ ਇਸ ਸੀਰਮ ਦੀ ਵਰਤੋਂ ਦਿਨ ਵਿਚ ਵੀ ਕਰ ਸਕਦੇ ਹੋ ਪਰ ਜੇ ਤੁਸੀਂ ਰਾਤ ਨੂੰ ਇਸਤੇਮਾਲ ਕਰੋਗੇ ਤਾਂ ਤੁਹਾਨੂੰ ਜ਼ਿਆਦਾ ਫ਼ਾਇਦਾ ਮਿਲੇਗਾ

First Published: Wednesday, 3 May 2017 3:00 PM

Related Stories

ਇਹ ਆਦਤਾਂ ਬਣਾਉਂਦੀਆਂ ਜਲਦ ਬਜ਼ੁਰਗ !
ਇਹ ਆਦਤਾਂ ਬਣਾਉਂਦੀਆਂ ਜਲਦ ਬਜ਼ੁਰਗ !

ਨਵੀਂ ਦਿੱਲੀ: ਅੱਜ ਦੇ ਦੌਰ ‘ਚ ਪ੍ਰੇਸ਼ਾਨੀਆਂ ਤਾਂ ਬਹੁਤ ਸਾਰੀਆਂ ਹਨ ਪਰ ਉਨ੍ਹਾਂ

ਭਾਰ ਘੱਟ ਨਾ ਹੋਣ ਦਾ ਫੰਡਾ ਕਿਤੇ ਇਹ ਤਾਂ ਨਹੀਂ!
ਭਾਰ ਘੱਟ ਨਾ ਹੋਣ ਦਾ ਫੰਡਾ ਕਿਤੇ ਇਹ ਤਾਂ ਨਹੀਂ!

ਨਵੀਂ ਦਿੱਲੀ: ਕੀ ਤੁਸੀਂ ਆਪਣੇ ਭਾਰ ਨੂੰ ਲੈ ਕੇ ਪ੍ਰੇਸ਼ਾਨ ਹੋ? ਕੀ ਤੁਸੀਂ ਭਾਰ ਘੱਟ

ਨਵੀਂ ਖੋਜ-ਨਵਾਂ ਖੁਲਾਸਾ: ਕੱਚਾ ਦੁੱਧ ਪੀਣ ਵਾਲੇ ਹੋ ਜਾਣ ਸਾਵਧਾਨ !
ਨਵੀਂ ਖੋਜ-ਨਵਾਂ ਖੁਲਾਸਾ: ਕੱਚਾ ਦੁੱਧ ਪੀਣ ਵਾਲੇ ਹੋ ਜਾਣ ਸਾਵਧਾਨ !

ਚੰਡੀਗੜ੍ਹ: ਪਿੰਡਾਂ ਵਿੱਚ ਕੱਚਾ ਦੁੱਧ ਪੀਣ ਦਾ ਰਿਵਾਜ ਹੈ ਤੇ ਲੋਕ ਇਸ ਨੂੰ