ਕਿਰਸਾਣੀ ਸੰਕਟ:'ਚਿੱਟਾ ਸੋਨਾ' ਤਬਾਹ ਕਰਨ ਲਈ ਖੇਤੀਬਾੜੀ ਮਹਿਕਮਾ 'ਕਾਲਾ' ?

By: Navdeep Kaur | | Last Updated: Tuesday, 6 October 2015 2:27 PM
ਕਿਰਸਾਣੀ ਸੰਕਟ:'ਚਿੱਟਾ ਸੋਨਾ' ਤਬਾਹ ਕਰਨ ਲਈ ਖੇਤੀਬਾੜੀ ਮਹਿਕਮਾ 'ਕਾਲਾ' ?

“ਜਦੋਂ ਪਹਿਲਾਂ ਨਰਮੇ ‘ਤੇ ਕੀਟਨਾਸ਼ਕ ਸਪਰੇਆਂ ਕਰਦੇ ਸੀ ਤਾਂ ਅਕਸਰ ਪਿੰਡ ਦੇ 2-3 ਕਿਸਾਨਾਂ ਨੂੰ ਸਪਰੇਅ ਚੜ੍ਹ ਜਾਂਦੀ ਸੀ। ਹੁਣ ਭਾਵੇਂ ਸਪਰੇਅ ਕਰਕੇ ਬਿਨ੍ਹਾਂ ਹੱਥ ਧੋਤੇ ਬੁੱਕਾਂ ਨਾਲ ਪਾਣੀ ਪੀ ਲਈਏ, ਕੋਈ ਅਸਰ ਨਹੀਂ ਹੰਦਾ।” ਇੱਕ ਨਰਮਾ ਕਿਸਾਨ ਦੇ ਇਹ ਬੋਲ, ਲਫਜ਼ਾ ਨਾਲੋਂ ਬਹੁਤ ਜ਼ਿਆਦਾ ਕਹਿ ਗਏ ਸੀ। ਸਮਝਣ ਵਿੱਚ ਦੇਰੀ ਨਹੀਂ ਹੋਣੀ ਚਾਹੀਦੀ ਕਿ ਜੋ ਸਪਰੇਆਂ ਉਨ੍ਹਾਂ ਨੂੰ ਮਿਲ ਰਹੀਆਂ ਹਨ ਉਹ ਬੇਅਸਰ ਹਨ।

ਇਸੇ ਤਰ੍ਹਾਂ ਇੱਕ ਕਿਸਾਨ ਆਗੂ ਨੇ ਦੱਸਿਆ,”ਮੈਨੂੰ ਨੇੜਲੇ ਪਿੰਡ ਵਿੱਚੋਂ ਖਬਰ ਮਿਲੀ ਕਿ ਕਿਸੇ ਦੀ ਬੱਕਰੀ ਖੁੱਲ੍ਹ ਗਈ ਅਤੇ ਸਪਰੇਅ ਪੀ ਗਈ। ਬੱਕਰੀ ਬਿਲਕੁਲ ਠੀਕ-ਠਾਕ ਹੈ, ਉਸ ਨੂੰ ਕੁਝ ਵੀ ਨਹੀਂ ਹੋਇਆ।” ਜਵਾਬ ਫਿਰ ਸਾਫ ਹੈ, ਕੀ ਅਜਿਹਾ ਕੀਟਨਾਸ਼ਕ ਚਿੱਟੇ ਮੱਛਰ ‘ਤੇ ਅਸਰ ਕਰੇਗਾ ?

ਇਸ ਵਿੱਚ ਕੋਈ ਦੋ ਰਾਏ ਨਹੀਂ ਕਿ ਕਿਸਾਨਾਂ ਨੂੰ ਵੇਚੇ ਜਾ ਰਹੇ ਕੀਟਨਾਸ਼ਕ ਗੈਰ-ਮਿਆਰੀ ਹਨ। ਆਖਿਰ, ਖੇਤੀਬਾੜੀ ਮਹਿਕਮੇ ਨੇ ਚਿੱਟੇ ਮੱਛਰ ਦਾ ਨੁਕਸਾਨ ਕਰਨ ਦੀ ਬਜਾਏ ਕਿਸਾਨਾਂ ਦਾ ਨੁਕਸਾਨ ਕਰਨ ਵਾਲੇ ਕੀਟਨਾਸ਼ਕ ਕਿਉਂ ਵਿਕਣ ਦਿੱਤੇ ?

ਇਨ੍ਹਾਂ ਹੀ ਇਲਜ਼ਾਮਾਂ ਅੰਦਰ ਖੇਤੀਬਾੜੀ ਵਿਭਾਗ ਦੇ ਡਾਇਰੈਕਟਰ ਮੰਗਲ ਸਿੰਘ ਸੰਧੂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਡਿਪਟੀ ਡਾਇਰੈਕਟਰ ਪਰਮਿੰਦਰ ਸਿੰਘ ਤੇ ਜੁਆਇੰਟ ਡਾਇਰੈਕਟਰ ਬਲਵਿੰਦਰ ਸਿੰਘ ਸੋਹਲ ਨੂੰ ਚਾਰਜਸ਼ੀਟ ਕੀਤਾ ਗਿਆ ਹੈ। ਗੈਰ ਮਿਆਰੀ ਕੀਟਨਾਸ਼ਕ ਵੇਚਣ ਦੇ ਇਲਜ਼ਾਮਾਂ ਹੇਠ ਕੁਝ ਵਪਾਰੀ ਵੀ ਪੁਲਿਸ ਦੇ ਸ਼ਿਕੰਜੇ ਵਿੱਚ ਹਨ।

ਪੁਲਿਸ ਹਿਰਾਸਤ ਵਿੱਚ ਮੰਗਲ ਸਿੰਘ ਸੰਧੂ

ਪੁਲਿਸ ਹਿਰਾਸਤ ਵਿੱਚ ਮੰਗਲ ਸਿੰਘ ਸੰਧੂ

ਖੇਤੀਬਾੜੀ ਡਾਇਰੈਕਟਰ ਮੰਗਲ ਸਿੰਘ ਸੰਧੂ ਮਾਮਲੇ ਵਿੱਚ ਕਿਵੇਂ ਫਸਦੇ ਹਨ ? ਇਸ ਦੇ ਕਈ ਕਾਰਨ ਸਾਹਮਣੇ ਆਏ।

-ਪਹਿਲਾ ਕਾਰਨ ਇਹ ਕਿ ਵਿਭਾਗ ਨੇ ਟੈਂਡਰ ਭਰਵਾਏ ਬਿਨ੍ਹਾਂ ਹੀ ਇੱਕੋ ਹੀ ਕੰਪਨੀ ਨੂੰ ਕੀਟਨਾਸ਼ਕਾਂ ਦਾ ਠੇਕਾ ਕਿਉਂ ਦਿੱਤਾ ?
-10 ਕਰੋੜ ਤੋਂ ਜ਼ਿਆਦਾ ਦਾ ਆਰਡਰ ਦੇਣ ਲਈ ਵਿਭਾਗ ਨੂੰ ਖੇਤੀਬਾੜੀ ਮੰਤਰੀ ਤੋਂ ਮਨਜ਼ੂਰੀ ਲੈਣੀ ਲਾਜ਼ਮੀ ਹੁੰਦੀ ਹੈ, ਪਰ ਮੰਗਲ ਸੰਧੂ ‘ਤੇ ਬਿਨ੍ਹਾਂ ਮੰਤਰੀ ਨੂੰ ਦੱਸੇ 33 ਕਰੋੜ ਦੀ ਖਰੀਦ ਦੇ ਆਰਡਰ ਦੇਣ ਦੇ ਇਲਜ਼ਾਮ ਹਨ।
-ਖਰੀਦ ਕਰਨ ਵੇਲੇ ਲਾਜ਼ਮੀ ਹੁੰਦਾ ਹੈ ਕਿ ਵਿਭਾਗ ਪਹਿਲਾਂ ਦਵਾਈਆਂ ਦੇ ਨਾਵਾਂ ਬਾਰੇ ਪ੍ਰਸਤਾਅ ਖੇਤੀਬਾੜੀ ਮੰਤਰੀ ਨੂੰ ਭੇਜਦਾ ਹੈ ਤੇ ਮਨਜ਼ੂਰੀ ਤੋਂ ਬਾਅਦ ਹੀ ਖਰੀਦ ਹੋ ਸਕਦੀ ਹੈ, ਪਰ ਡਾਇਰੈਕਟਰ ਮੰਗਲ ਸੰਧੂ ਨੇ ਦਵਾਈਆਂ ਦੇ ਨਾਮ ਨਹੀਂ ਭੇਜੇ ਅਤੇ ਸਿਰਫ ਮਾਤਰਾ ਲਿਖ ਕੇ ਪ੍ਰਸਤਾਅ ਭੇਜ ਦਿੱਤਾ ਅਤੇ ਖਰੀਦ ਕੀਤੀ।
-ਪੰਜਾਬ ਖੇਤੀਬਾੜੀ ਯੁਨੀਵਰਸਿਟੀ ਨੇ ਚਿੱਟੇ ਤੇਲੇ ਤੇ ਚਿੱਟੇ ਮੱਛਰ ਲਈ ਚਾਰ-ਚਾਰ ਕੀਟਨਾਸ਼ਕਾਂ ਦਾ ਸੁਝਾਅ ਦਿੱਤਾ ਸੀ।ਵਿਭਾਗ ਨੇ ਸਿਰਫ ਇੱਕ-ਇੱਕ ਹੀ ਕਿਉਂ ਖਰੀਦਿਆ ?

ਬਠਿੰਡਾ ਪੁਲਿਸ ਮੁਤਾਬਕ, ਗੈਰ-ਮਿਆਰੀ ਕੀਟਨਾਸ਼ਕ ਵੇਚਣ ਦੇ ਇਲਜ਼ਾਮ ਹੇਠ ਵਿਜੈ ਕੁਮਾਰ ਨਾਮੀਂ ਵਪਾਰੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸ ਨੇ ਪੁਲਿਸ ਨੂੰ ਦੱਸਿਆ ਕਿ ਘਟੀਆ ਕੀਟਨਾਸ਼ਕ ਵੇਚਣ ਦੀ ਮਨਜ਼ੂਰੀ ਦੇਣ ਲਈ ਮੰਗਲ ਸੰਧੂ ਨੇ ਉਸ ਕੋਲੋਂ 8 ਲੱਖ ਰੁਪਏ ਰਿਸ਼ਵਤ ਲਈ ਸੀ। ਇਸ ਤੋਂ ਬਾਅਦ ਸ਼ਿਕੰਜਾ ਖੇਤੀਬਾੜੀ ਡਾਇਰੈਕਟਰ ‘ਤੇ ਆ ਗਿਆ ਸੀ। ਬਠਿੰਡਾ ਦੇ ਰਾਮਾ ਮੰਡੀ ਵਿੱਚ ਦਰਜ FIR ਅਧੀਨ ਮੰਗਲ ਸੰਧੂ ਦੀ ਗ੍ਰਿਫਤਾਰੀ ਹੋਈ।

ਪੁਲਿਸ ਮੁਤਾਬਕ, ਖੇਤੀਬਾੜੀ ਡਾਇਰੈਕਟਰ ਮੰਗਲ ਸਿੰਘ ਸੰਧੂ ਨੂੰ ਜਦੋਂ ਗ੍ਰਿਫਤਾਰ ਕੀਤਾ ਗਿਆ ਤਾਂ ਘਰ ਵਿੱਚੋਂ 53 ਮਹਿੰਗੀ ਸ਼ਰਾਬ ਦੀਆਂ ਬੋਤਲਾਂ,4 ਲੱਖ ਭਾਰਤੀ ਕਰੰਸੀ, 9 ਲੱਖ ਦੇ ਕਰੀਬ ਅਮਰੀਕੀ ਤੇ ਕੈਨੇਡੀਅਨ ਕਰੰਸੀ ਅਤੇ ਸੋਨਾ ਜ਼ਬਤ ਕੀਤਾ ਗਿਆ। ਗ੍ਰਿਫਤਾਰੀ ਤੋਂ ਬਾਅਦ ਮੰਗਲ ਸਿੰਘ ਅਹੁਦੇ ਤੋਂ ਮੁਅੱਤਲ ਹੋ ਗਏ। ਕੀਟਨਾਸ਼ਕ ਘੁਟਾਲੇ ਦਾ ਰੌਲਾ ਪੈਣ ਤੋਂ ਬਾਅਦ ਹੀ ਪਹਿਲਾਂ ਪੰਜਾਬ ਸਰਕਾਰ ਨੇ ਮੰਗਲ ਸਿੰਘ ਸੰਧੂ ਨੂੰ ਮੁਅੱਤਲ ਕਰ ਦਿੱਤਾ ਸੀ, ਪਰ ਮੰਗਲ ਸੰਧੂ ਹਾਈ ਕੋਰਟ ਚਲੇ ਗਏ ਅਤੇ ਮੁਅੱਤਲੀ ‘ਤੇ ਰੋਕ ਲੱਗ ਗਈ ਸੀ।

First Published: Tuesday, 6 October 2015 2:27 PM

Related Stories

ਕਿਸਾਨੀ ਖ਼ੁਦਕੁਸ਼ੀਆਂ 'ਤੇ ਬਣੀ ਸਦਨ ਕਮੇਟੀ ਨੇ ਕੀਤੀ ਕਿਸਾਨਾਂ ਅਤੇ ਖੇਤ ਮਜ਼ਦੂਰਾਂ ਦੇ ਪਰਿਵਾਰਾਂ ਨਾਲ ਮੁਲਾਕਾਤ
ਕਿਸਾਨੀ ਖ਼ੁਦਕੁਸ਼ੀਆਂ 'ਤੇ ਬਣੀ ਸਦਨ ਕਮੇਟੀ ਨੇ ਕੀਤੀ ਕਿਸਾਨਾਂ ਅਤੇ ਖੇਤ ਮਜ਼ਦੂਰਾਂ...

ਬਠਿੰਡਾ: ਪੰਜਾਬ ਵਿੱਚ ਕਿਸਾਨਾਂ ਵੱਲੋਂ ਕੀਤੀਆਂ ਗਈਆਂ ਖ਼ੁਦਕੁਸ਼ੀਆਂ ਅਤੇ ਖੇਤ

ਤਿੰਨ ਕਿਸਾਨਾਂ ਨੇ ਕਰਜ਼ੇ ਤੋਂ ਤੰਗ ਆ ਕੇ ਕੀਤੀ ਖ਼ੁਦਕੁਸ਼ੀ
ਤਿੰਨ ਕਿਸਾਨਾਂ ਨੇ ਕਰਜ਼ੇ ਤੋਂ ਤੰਗ ਆ ਕੇ ਕੀਤੀ ਖ਼ੁਦਕੁਸ਼ੀ

ਚੰਡੀਗੜ੍ਹ: ਪੰਜਾਬ ਦਾ ਕਰਜ਼ਈ ਕਿਸਾਨ ਹਰ ਦਿਨ ਆਪਣੀ ਦੀ ਲੜਾਈ ਹਾਰਦਾ ਜਾ ਰਿਹਾ ਹੈ।

ਸਰ੍ਹੋਂ ਦੀ ਨਵੀਂ ਕਿਸਮ: ਮੋਟਾ ਦਾਣਾ ਤੇ ਤੇਲ ਦੀ ਮਾਤਰਾ 40 ਫ਼ੀਸਦ ਵੱਧ
ਸਰ੍ਹੋਂ ਦੀ ਨਵੀਂ ਕਿਸਮ: ਮੋਟਾ ਦਾਣਾ ਤੇ ਤੇਲ ਦੀ ਮਾਤਰਾ 40 ਫ਼ੀਸਦ ਵੱਧ

ਚੰਡੀਗੜ੍ਹ: ਹਰਿਆਣਾ ਦੀ ਖੇਤੀਬਾੜੀ ਯੂਨੀਵਰਸਿਟੀ ਹਿਸਾਰ ਨੇ ਸਰੋਂ ਦੀ ਅਜਿਹੀ ਕਿਮਸ

ਸਿੰਜਾਈ ਵਿਭਾਗ ਦੀ ਮਿਹਰਬਾਨੀ ਸਦਕਾ ਇੱਕੋ ਹੀ ਠੇਕੇਦਾਰ ਦੀ ਝੋਲੀ ਪਾਏ 1000 ਕਰੋੜ ਦੇ ਵਿਕਾਸ ਕਾਰਜ
ਸਿੰਜਾਈ ਵਿਭਾਗ ਦੀ ਮਿਹਰਬਾਨੀ ਸਦਕਾ ਇੱਕੋ ਹੀ ਠੇਕੇਦਾਰ ਦੀ ਝੋਲੀ ਪਾਏ 1000 ਕਰੋੜ ਦੇ...

ਚੰਡੀਗੜ੍ਹ: ਪੰਜਾਬ ਵਿਜੀਲੈਂਸ ਬਿਊਰੋ ਨੇ ਪਿਛਲੇ 7-8 ਸਾਲਾਂ ਤੋਂ ਸੂਬੇ ਦੇ ਵੱਖ-ਵੱਖ

ਧਰਤੀ ਹੇਠਲੇ ਪਾਣੀ ਦੀ ਸਮੱਸਿਆ ਨਾਲ ਨਜਿੱਠਣ ਲਈ ਕੈਪਟਨ ਤਿਆਰ
ਧਰਤੀ ਹੇਠਲੇ ਪਾਣੀ ਦੀ ਸਮੱਸਿਆ ਨਾਲ ਨਜਿੱਠਣ ਲਈ ਕੈਪਟਨ ਤਿਆਰ

ਚੰਡੀਗੜ੍ਹ: ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਕੇਂਦਰ ਸਰਕਾਰ ਦੀ

ਕਿਸਾਨ ਸ਼ਨੀਵਾਰ ਤੋਂ ਕਰਨਗੇ ਕਾਂਗਰਸੀ ਲੀਡਰਾਂ ਜਿਊਣਾ ਦੁੱਭਰ
ਕਿਸਾਨ ਸ਼ਨੀਵਾਰ ਤੋਂ ਕਰਨਗੇ ਕਾਂਗਰਸੀ ਲੀਡਰਾਂ ਜਿਊਣਾ ਦੁੱਭਰ

ਚੰਡੀਗੜ੍ਹ: ਕਿਸਾਨ ਸੰਘਰਸ਼ ਕਮੇਟੀ ਵੱਲੋਂ ਕੱਲ੍ਹ 19 ਅਗਸਤ ਨੂੰ ਪੰਜਾਬ ਦੇ ਕਾਂਗਰਸੀ

ਮੋਦੀ ਦੀ ਟੀਮ ਨੂੰ ਵੀ ਨਹੀਂ ਦਿਖੀ ਚਿੱਟੀ ਮੱਖੀ..
ਮੋਦੀ ਦੀ ਟੀਮ ਨੂੰ ਵੀ ਨਹੀਂ ਦਿਖੀ ਚਿੱਟੀ ਮੱਖੀ..

ਚੰਡੀਗੜ੍ਹ: ਕੇਂਦਰ ਸਰਕਾਰ ਵੱਲ਼ੋਂ ਚਿੱਟੀ ਮੱਖੀ ਦਾ ਜਾਇਜ਼ਾ ਲੈਣ ਆਈ ਟੀਮ ਨੇ ਪੰਜਾਬ

ਬੀਬੀ ਹਰਸਿਮਰਤ ਕੌਰ ਬਾਦਲ ਵੱਲੋਂ ਤੋਤਾ ਸਿੰਘ ਨੂੰ ਕਲੀਨ ਚਿੱਟ...
ਬੀਬੀ ਹਰਸਿਮਰਤ ਕੌਰ ਬਾਦਲ ਵੱਲੋਂ ਤੋਤਾ ਸਿੰਘ ਨੂੰ ਕਲੀਨ ਚਿੱਟ...

ਚੰਡੀਗੜ੍ਹ: ਕੇਂਦਰੀ ਫੂਡ ਪ੍ਰੋਸੈਸਿੰਗ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਸਾਬਕਾ

ਕਿਸਾਨਾਂ ਦੇ ਕਰਜ਼ੇ 'ਤੇ ਮੋਦੀ ਸਰਕਾਰ ਦੀ ਨਵੀਂ ਸ਼ਰਤ!
ਕਿਸਾਨਾਂ ਦੇ ਕਰਜ਼ੇ 'ਤੇ ਮੋਦੀ ਸਰਕਾਰ ਦੀ ਨਵੀਂ ਸ਼ਰਤ!

ਮੁੰਬਈ: ਕਿਸਾਨਾਂ ਲਈ ਭਾਰਤੀ ਰਿਜ਼ਰਵ ਬੈਂਕ (ਆਰ.ਬੀ.ਆਈ.) ਨੇ ਨਵਾਂ ਹੁਕਮ ਜਾਰੀ ਕੀਤਾ

ਕੈਪਟਨ ਦੇ ਰਾਜ 'ਚ 180 ਕਿਸਾਨਾਂ ਕੀਤੀ ਖੁਦਕੁਸ਼ੀ, ਬੀਜੇਪੀ ਨੇ ਉਠਾਏ ਸਵਾਲ
ਕੈਪਟਨ ਦੇ ਰਾਜ 'ਚ 180 ਕਿਸਾਨਾਂ ਕੀਤੀ ਖੁਦਕੁਸ਼ੀ, ਬੀਜੇਪੀ ਨੇ ਉਠਾਏ ਸਵਾਲ

ਚੰਡੀਗੜ੍ਹ: ਕਾਂਗਰਸ ਸਰਕਾਰ ਦੇ ਪੰਜ ਮਹੀਨਿਆਂ ਦੇ ਕਾਰਜਕਾਲ ਵਿੱਚ 180 ਕਿਸਾਨ